د کرنې، اوبو لګولو او مالدارۍ وزارت مرستیال، مولوي صدراعظم عثماني د اوزبیکستان د کرنې او مالدارۍ له مرستیال، جمشید عبدوذوکروف او مل پلاوي سره کتلي دي.
د دغه وزارت د اعلامیې له مخې چې په دې کتنه کې اوزبیکستان ته د غوښې پر صادراتو، د فاریاب ولایت په اندخوی ولسوالۍ کې د بڼونو پر جوړولو او د اصلاحشویو تخمونو په برخه کې پر همکاریو بحث شوی دی.
په اعلامیه کې د مولوي صدراعظم عثماني له قوله د افغانستان او اوزبیکستان اړیکې تاریخي بلل شوې او ویل شوي چې د افغانستان خصوصي سکتور د غوښې د تولید او صادراتو په برخه کې د همکارۍ بشپړه وړتیا لري.
د اعلامیې له مخې چې په دې کتنه کې د اوزبیکستان د کرنې مرستیال ویلي چې په وروستیو کلونو کې د دواړو هېوادونو ترمنځ د سوداګرۍ کچه له ۴۱۰ میلیونه ډالرو څخه ۶۱۰ میلیونه ډالرو ته لوړه شوې ده، او ازبکستان غواړي د کرنې او مالدارۍ په بېلابېلو برخو کې همکارۍ پراخې کړي.
“د افغانستان او اوزبیکستان ترمنځ د سوداګرۍ کچه له ۴۱۰ میلیون څخه ۶۱۰ میلیون ډالرو ته لوړه شوې”
