د امریکا د متحده ایالتونو ولسمشر ډونالډ ټرمپ ویلي، چې نړۍ له غیرعادي او ناارامو حالاتو سره مخ ده او زیاته کړې یې ده: “موږ په یوې لېونۍ نړۍ کې ژوند کوو.”
نوموړي له «سيبياېس» سره د ۶۰ دقیقې په مرکه کې د سپینې ماڼۍ د خبریالانو د مېلمستیا پر مهال پر برید کوونکي کس نیوکه کړې او هغه یې «ډېر ناروغ انسان» بللی دی.
د ټرمپ په وینا، دغه کس پخوا یو سخت مذهبي عیسوی و، خو وروسته د مذهب ضد شوی او په شخصیت کې یې بدلون راغلی و.
د خبریال دې پوښتنې په ځواب کې چې ایا اندېښمن شوی و که نه، ټرمپ ویلي چې اندېښنه یې نه لرله او ټینګار یې کړی: “زه ژوند درک کوم.”
نوموړي د خپلې مېرمنې ملانیا ټرمپ د غبرګون په اړه هم ویلي، چې هغه نه وه ورخطا شوې، خو منلې یې ده چې په داسې حالاتو کې هر څوک وېرېږي.
د امریکا د ولسمشر په وینا، ملانیا ژر درک کړې وه چې پېښه عادي نه ده او وروسته تر پېښې ډېره خواشینې ښکارېده.