د کار او ټولنیزو چارو وزارت وایي چې په لغمان ولایت کې له ۱۳۶ بېسرپرسته او یتمو ماشومانو سره ۱٫۴ میلیون افغانۍ نغدي مرسته شوې ده.
د دغه وزارت په اېکسپاڼه لیکل شوي چې دا مرسته د لغمان ولایت د کار او ټولنیزو چارو ریاست په هڅو او همغږۍ د هدف خیریه موسسې له لوري شوې ده.
د خبرپاڼې له مخې چې په دې مرسته کې هر ماشوم ۱۰ زره ۲۹۴ افغانۍ ورکړل شوې دي.
په ورته مهال د لغمان ولایت د کار او ټولنیزو چارو رییس، مولوي سید جمالالدین هاشمي له نورو ملي او نړیوالو موسسو او خیریه مرستندویه بنسټونو غوښتي چې د یتیمو او بېسرپرستو ماشومانو لاسنیوی او ملاتړ وکړي او په دې برخه کې خپل بشري فعالیتونه نور هم پراخ کړي.
لغمان کې له ۱۳۶ بېسرپرسته ماشومانو سره ۱٫۴ میلیون افغانۍ نغدي مرسته شوې
