وزارت صنعت و تجارت از سفر هیات مشترک عالیرتبه دولتی و سکتور خصوصی جمهوری «قارهقلپاقستان» اوزبیکستان به کابل خبر میدهد.
دفتر رسانههای این وزارت با نشر خبرنامهای گفته که این هیات پس از چاشت امروز (شنبه، ۱۹ ثور) وارد کابل شده و قرار است با نورالدین عزیزی، وزیر صنعت وتجارت دیدار گفتوگو کند.
بربنیاد معلومات خبرنامه، هیات یادشده به رهبری امان بای اورینبایوف، رییس مجلس عالی قارهقلپاقستان به کابل آمده تا روی گسترش روابط تجاری و اقتصادی با مقامات افغان، گفتوگو کند.
در خبرنامه آمده که این هیات قرار است در نشست تواصل تجارتی و نشستهای تجاری اشتراک کند.
سفر هیات عالیرتبه دولتی و سکتور خصوصی اوزبیکستان به ولایت بلخ، اشتراک در نشست تواصل تجارتی و نشستهای تجاری و افتتاح نمایشگاه تولیدات داخلی این کشور، از بخشهای دیگر سفر این هیات گفته شده است. اوزبیکستان و افغانستان در بیش از ۴ سال گذشته روابط گسترده در بخشهای سیاسی، اقتصادی و تجاری داشته و تلاشها برای گسترش هرچه بیشتر آن همچنان در جریان است.