د افغانستان د فوټبال ملي لوبډله نن یکشنبه د مالدیف نړیوال څلور اړخیز ټورنمنټ په لړ کې له پاکستان سره سیالي کوي.
ټاکل شوې دا لوبه د مالدیف په پلازمېنه ماله ښار کې د کابل پر وخت د ماسپښین په ۳:۳۰ بجو ترسره شي چې د دواړو لوبډلو لپاره ځانګړی اهمیت لري.
افغان لوبډله داسې مهال د پاکستان پر وړاندې ډګر ته ښکته کېږي چې په خپلو دوو تېرو لوبو کې یې کوربه مالدیف ته ماتې ورکړې او له بنګلهدېش سره یې بېګوله مساوي کړې ده.
د مالدیف نړیوال څلور اړخیز ټورنمنټ د افغانستان، مالدیف، پاکستان او بنګلهدېش د ملي لوبډلو په ګډون روان دی او د تېرې اوونۍ راهیسې پیل شوی دی.