د سيد سجاد سادات په نوم يوه افغان ځوان په موټرسايکل د افغانستان ټولو ۳۴ ولايتونو او له ۸۰ ډېرو ولسواليو ته تر شاوخوا شپږ مياشتني سفر وروسته خپل مزل په لوګر ولايت پای ته رسولی دی.
سید سجاد سادات ویلي، د هېواد اوسنی امنیت د دې لامل شوی چې وکولای شي دا اوږد سفر په بریالیتوب ترسره کړي.
بلخوا، د لوګر د اطلاعاتو او کلتور رييس مولوی ثوابجان اسلامیار د نوموړي هڅه ستایلې او ویلي یې دي، د هېواد د امنیت له امله کورني او بهرني سیلانیان کولای شي د افغانستان طبیعي، تاریخي او فرهنګي سیمو ته په ډاډه زړه سفر وکړي.