افغان کرکټ بورډ د روان کال شل اوریز نړیوال جام ته لوبډله په ډاګه کړه.
د نړیوال جام یادې سیالۍ د روان ۲۰۲۴ زېږدیز کال په جون کې په امریکا او ویسټ انډیز کې ترسره کیږي.
افغان لوبډلې د راشد خان په لوبډلمشرۍ ۱۵ تنه په اصلي سکواډ کې نیولي او حضرت الله ځاځی، صدیق اتل او سلیم ساپی یې په ریزرف لوبغاړو کې له ځانه سره ساتلي دي.
په لومړني سکواډ کې د راشد خان په لوبډلمشرۍ، محمداسحاق، رحمان الله ګربز، ابراهیم ځدراڼ، نجیب الله ځدراڼ، ننګیال خروټی، کریم جنت، ګلبدین نایب، محمدنبي، عظمت الله عمرزی، فرید ملک، فضل حق فاروقي، نوین الحق، نوراحمد او مجیب الرحمان هغه ۱۵ لوبغاړي دي چې د افغانستان لپاره به د سیالۍ ډګر ته ښکته شي.
د نړیوال جام سیالۍ د جون په دویمه پیلیږي چې افغان لوبډله به د جون په درېیمه د یوګانډا لوبډلې پر وړاندې لومړنۍ سیالۍ ترسره کړي