کورنیو چارو وزارت وایي، د هرات امنیتي ځواکونو هغه ۱۴ کسیزه ډله نیولې چې د ښار په بېلابېلو سیمو کې یې غلاوې کولې، عامه نظم یې ګډوډاوه او د غلا شویو توکو په پېر او پلور کې یې لاس درلود.
د خبرپاڼې له مخې چې دا ډله د هرات ښار پنځمې امنیتي حوزې شرطې ځواکونو د کشفي اقداماتو په پایله کې نیول شوې ده. بلخوا د هرات مسوولینو ټینګار کړی چې امنیتي ځواکونه له هغو کسانو او ډلو سره قاطع چلند کوي چې د ښاریانو امنیت، عامه نظم او ارامتیا ګډوډوي.