د مزارشریف – حیرتان پر لارې ټرافیکي پېښې څلورو تنو ته مرګ ژوبله واړوله
د بلخ ځایي مسوولین وایي چې نن(شنبه، غوایي ۲۲مه) سهار شاوخوا نهه بجې د حیرتانو ښارګوټي اړوند د اب ګنده سیمه کې د یوه ټیلر او کرولا د ټکر له کبله څلورو تنو ته مرګ ژوبله اوښتې ده.
په یاده پېښه کې درې تنه شهیدان شوي او یوه دولس کلنه ماشومه ټپي ده.
په دې پېښه کې د کرولا موټر موترچلوونکي، یوې ښځې او ماشوم خپل ژوند له لاسه ورکړی او یوه دولس کلنه نجلۍ په ټپي حالت کې روغتون ته لېږدول شوې ده.
د بلخ د ټرافیکو مدیریت مسوولین د پېښې ځای ته رسېدلي، تر څو د پېښې علت مالوم کړي