د مالدیف د ولسمشر دفتر په یوه بیانیه کې ویلي چې له دې وروسته د اسراییلو سېلانیان نه شي کولی چې دغه هېواد ته د سیل په پار ورشي.
په دغه بیانیه کې نه دي ویل شوي چې له کومې نېټې وروسته به د اسراییلو پر وګړو بشپړ بندیز ولګول شي، خو د دې هېواد ولسمشر دا ګام غزه کې د صهیونستانو د وحشتونو په وړاندې اوچت کړی.
ویل کيږي چې پروسږکال شاوخوا ۱۱ زرو اسراییلي اتباعو له دې هېواده لیدنه کړې وه.
صهیونستانو په غزه کې تر دې مهاله له سلو زرو زیاتو فلسطینیانو ته مرګ ژوبله اړولې ده.