افغان کرکټ ملي لوبډله به د (اتو غوره لوبډلو) په پړاو کې نن ماښام اووه بجې (پنجشنبه، غبرګولي ۳۱مه) د هندوستان خلاف د سیالۍ ډګر ته ښکته شي.
د افغانستان کرکټ بورډ مسوولین هیله ښیي چې افغان لوبغاړي به د هندوستان پر وړاندې ښه وځلیږي. کرکټ بورډ مسوولین د لوبغاړو د غوره چمتووالي او تمرینونو ډاډ څرګندوي.
دا د اتو غوره لوبډلو پړاو کې د افغانستان لومړۍ لوبه ده چې په باربادوس کې به ترسره شي.
افغانستان په خپل ګروپ کې یوګاندا، نیوزیلینډ او پاپوانیوګیني ته ماتې ورکړه او دې پړاو ته یې لاره ومونده.
د یادونې وړ ده چې د سږنیو لوبو کوربه امریکا او ویسټ انډیز هېوادونه دي
افغان کرکټ ملي لوبډله نن ماښام له هندوستان سره مخیږي
