د امریکا په پنسلوانیا ایالت کې د نوي نوماند او پخواني ولسمشر ډونالډ ټرمپ پر ټاکنیز کمپاین برید شوی.
ځایي چارواکو ویلي چې په دې برید کې د وسله وال بریدګر په ګډون ۲ تنه وژل شوي او ګڼ نور ټپیان دي.
په خپرو شویو انځورونو کې ښکاري چې د ټرمپ پر مخ وینه بهیږي او خوندي ځای ته یې د لېږد هڅه کیږي.
د ټرمپ ټاکنیز سیال او اوسني ولسمشر جوبایډن د نوموړي پر ډاډمنه روغتیا خوښي ښودلې ده.
په خپرو شویو انځورونو کې داسې ښکاري چې د ټرمپ د ښي غوږ پورتنۍ برخه زخمي شوې ده.
د برید انګېزه لا هم نه ده په ډاګه شوې.