عبري رسنیو زرګونو اسراییلیانو ته د رسېدونکو ګواښونکو متني پیغامونو خبر ورکړی.
له ګواښه په ډکو دغو پیغامونو کې ویل شوي، چې مېشتځایونه پرېږدئ او پټنځایونو ته پناه یوسئ. دغو پیغامونو اسراییلیان وېرولي او انګیري چې ښایي کوم ناببره برید کېدونکی دی.
بل پلو؛ صهیونیست څارګر پلټنه کوي، چې د دغو ګواښونکو پیغامونو تر شا د تهران لاس شته که نه. سیمه کې سایبري او ذهني جګړه وروسته له هغې رادبره شوې، چې پر حزب الله ځواکونو یوځایي پېجرونو(مخابراتي وسیلو) چاودنه وکړه او زرګونه تنه یې ټپیان کړل.