د امریکا ولسمشر جوبایډن ویلي، چې مېلټن توپان دې هېواد کې ۵۰ میلیارد ډالره زیان اړولی دی.
د امریکايي رسنیو د راپورونو له مخې، تر دې توپان وروسته ژغورونکې ډلې لا هم د قربانیانو د موندلو هڅې کوي.
راپورونه کاږي، چې تر دې وېرونکي توپان وروسته ډېری کورنۍ داسې حال کې خپلو کورونو ته ستنې شوي، چې مېنې یې په بشپړه توګه نړېدلې وې.
ویل کیږي، چې ددې توپان له امله پر ۲.۵ میلیون کورنیو برېښنا پرې شوې وه او ډېری سیمې اوبو لاندې کړې وې.
د یادونې وړ ده، چې مېلټن د فلورېډا ایالت ګڼ خلک له مالي اړخه زیانمن کړي دي.