د افغان ابدالیانو کرکټ لوبډله به نن(یکشنبه، لړم شپږمه) د ماښام پینځه نیمې بجې د سریلنکا له الف لوبډلې سره پایلوبه ترسره کړي.
دا لوبه د عمان هېواد په الامارت کرکټ لوبغالي کې ترسره کیږي.
افغان لوبډلې وړمه ورځ په نیمه پایلوبه کې د هند الف لوبډلې په ماتونې وکولی شول، پایلوبې ته ووځي.
دا لومړی ځل دی، چې افغان ابدالیان د ایمرجېنګ سیالیو پایلوبه لوبوي. د یادونې وړ ده، چې افغان ابدالیانو لا له وړاندې په خپل ګروپ کې سریلنکا لوبډله ماته کړې وه.