په افغانستان کې د ملګرو ملتونو د بشري چارو د همغږۍ دفتر یا اوچا په خپلې رسمي اېکسپاڼې لیکلي چې سویس له افغانستان سره ۱.۹ میلیونه ډالره مرسته اعلان کړه.
اوچا ویلي چې د سویس دغه مرسته د افغانستان د بشري مرستو د صندوق په واک کې ورکول شوې ده.
دغې ټولنې نن (یکشنبه، سلواغې ۲۹مه) په خپل اېکس له افغانستان سره د سویس د مرستې هرکلی کړی.
سویس تېره میاشت هم له افغانستان سره د بشري مرستو په برخه کې څلور میلیونه ډالره مرسته کړې وه.