کورنيو چارو وزارت د هلمند امنيه قوماندانۍ ته ۴۷ عرادې موټرسايکلونه ورکړي دي.
د امنيه قوماندانۍ مسوولين وايي، چې دغه موټرسايکلونه د ښاري ګزمو او پېښو ته د ژر رسېدو په موخه ورکړل شوي دي.
د ځایي چارواکو په وينا، تر دې مهال ۳۴ عرادې موټرسايکل د امنيه قوماندانۍ اړوند ادارو ته سپارل شوي او پاتې نور به د اړتيا له مخې ور وسپارل شي. د يادولو ده، چې د کورنيو چارو وزارت تر دې وړاندې هم په يو شمېر نورو ولايتونو کې د امنيت د پياوړتيا په موخه پر امنیتي برخې موټرسايکلونه وېشلي و.