برېټانیا کې د بښنې نړیوال سازمان د برېټانیا د دفاع وزارت له لوري په افغانستان کې پر بېلابېلو جرمونو د ککړو برېټانوي عسکرو د دوسيو د قصدي ځنډ په تړاو اندېښنه ښودلې ده.
د یاد سازمان مشر ویلي چې په سیستماتیک ډول ددغو دوسیو د څېړنې په برخه کې خنډونه رامنځته کیږي.
برېټانیا کې د بښنې نړیوال سازمان مشر ټینګار کړی چې په افغانستان کې د جنایتونو کوونکي باید د رتبې په پام کې نیولو سره مجازات شي.
یاد سازمان داسې مهال دا څرګندونې کړي، چې تازه د برېټانیا د ځانګړو ځواکونو پخوانيو غړو له بيبيسي سره په یوه مرکه کې په افغانستان کې د خپلو ځواکونو پر جنګي جرمونو اعتراف کړی دی.