د ترانسپورت او هوایي چلند وزارت د هواپېژندنې ادارې سبا په ۲۰ ولایتونو کې د ورښت او سېلابونو د راوتلو اټکل کړی دی.
د یاد وزارت په خبرپاڼه کې ویل شوي چې سبا (جمعه، د غبرګولي ۱۶مه) په بدخشان، تخار، نورستان، کونړ، لغمان، ننګرهار، کابل، وردګ، پکتیا، کاپیسا، پنجشیر، پروان، بغلان، سمنګان، بلخ، سرپل، بامیان، غور، فاریاب او بادغیس ولایتونو کې د ورښت اټکل شته.
هواپېژندنې ادارې په بېلابېلو سیمو کې د ورښت کچه له ۱۵ تر ۳۵ ملي مترو پورې اټکل کړې ده.
په خبرپاڼه کې همداراز د سالنګونو په ګډون په سویلي، لوېدیځو او مرکزي ولایتونو کې د لنډمهاله چټکو بادونو او دوړو د پېښېدو خبرداری هم ورکړی چې سرعت یې په یو ساعت کې له ۵۰ تر ۹۰ کیلو مترو پورې اټکل شوی دی.
د ویلو ده چې له تېرو څو کلونو راهیسې ورښت او سېلابونو د بېلابېلو ولایتونو اوسېدونکو ته پر مرګژوبلې سربېره درانه مالي زیانونه هم اړولي دي.