مالیې وزارت وایي چې د هېواد په ګمرکونو کې د ۲ میلیون ۳۶ زره امریکایي ډالرو په ارزښت د اور وژنې ۸ وسایط پېرل شوي دي.
د دغه وزارت د خبرپاڼې له مخې چې دا وسایط د اورلګېدنې له احتمالي ګواښونو څخه د مخنیوي په موخه پېرل شوي دي.
سرچینې لیکلي چې دا وسایط په ۲۰۲۵ کال کې تولید شوي او هر یو ۱۰ زره لېټره اوبه ځایولی شي.
د مالیې وزارت د معلوماتو له مخې چې له دغو پېرل شویو وسایطو به د حیرتان، آقینې، ننګرهار، هرات، فراه، نیمروز او کندهار په ګمرکونو کې استفاده وشي.
سرچینې لیکلي چې دا پروژه د اسلامي امارت او ازبکستان هیواد ترمنځ لاسلیک شوې وه چې لګښت یې د مالیې وزارت له پراختیایي بودیجې څخه ورکړل شوی دی.