د ملي دفاع وزارت د ۲۰۱ خالد بن ولید قول اردو ویاند مولوي وحیدالله محمدي ویلي، چې د کونړ او ننګرهار ولایتونو اړوند د فرضي کرښې په اوږدو کې افغان ځواکونو د «غچ اخېستونکو» بريدونو په پايله کې د پاکستاني عسکرو يوه پوسته نيولې ده.
د محمدي په وینا، په دې نښته کې ۱۴ پاکستاني عسکر وژل شوي او ۱۱ نور ټپیان دي. نوموړي زیاته کړې، په دې نښته کې یو زرهدار ټانک او یو انټرنېشنل موټر هم په بشپړه توګه ویجاړ شوي دي.