د کډوالو او راستنېدونکو چارو وزارت خبر ورکړی چې د تېرو درېیو ورځو پر مهال د پاکستان له بېلابېلو زندانونو څخه ۳۷۳ تنه افغان کډوال راخوشې او بېرته هېواد ته راستانه شوي دي.
یاد وزارت وايي، راخوشې شوي افغان کډوال د قانوني اسنادو د نه لرلو له امله د پاکستان په بېلابېلو ښارونو کې نیول شوي او زنداني شوي وو.
سرچينه زیاتوي چې له ډلې یې ۲۹۶ تنه د تورخم او ۷۷ تنه د سپین بولدک له لارې افغانستان ته دننه شوي دي.
د مسوولينو په وینا، راستنو شویو کډوالو ته لومړنۍ بشري مرستې برابرې شوې او وروسته خپلو اصلي مېنو ته هم لېږدول شوي دي.
له پاکستاني زندانونو سلګونه افغان کډوال راخوشې او هېواد ته راستانه شوي
