د غزني امنیې قوماندانۍ رسنیز دفتر ویلي چې ددې ولایت د اندړو ولسوالۍ امنیتي او کشفي ځواکونو هغه درې تنه د غلا په تور ونیول چې تېره ورځ يي د غزني ښار د څلورمې امنیتي حوزې اړوند د توحیدآباد سیمې څخه پنځه دانې وزې غلا کړې وې.
مسئولین ویلي چې دا کسان پرون(پنجشنبه، غبرګولي ۲۱مه) د پنجشنبې په نوم بازار کې نیول شوي.
ویل کېږي چې نیول شوي کسان دا مهال د اندړو ولسوالۍ د امنیتي ارګانونو تر څېړنو ګروېګنو لاندې دي.