افغاني سره میاشت وایي چې په کابل کې ۲۸ نارینه او ۱۲ ښځینه رواني ناروغان تر بشپړې درملنې وروسته بېرته خپلو کورنیو ته سپارل شوي دي.
د دې ادارې په اېکسپاڼه لیکل شوي چې د یادو کسانو د رخصتولو پرمهال هر یو کس ته پنځه زره افغانۍ، جامې، څپلۍ او یو شمېر نور اړین توکي ورکړل شوي دي.
د خبرپاڼې له مخې چې افغاني سره میاشت دا مهال په کابل، هرات، ننګرهار، کندهار، بلخ او کندوز ولایتونو کې د رواني ناروغانو د ساتنې او درملنې مرکزونه لري چې نږدې ۱۵۰۰ رواني ناروغان پکې تر درملنې لاندې دي. سرچینې لیکلي چې یاد کسان د ځانګړو مراسمو پرمهال خپلو کورنیو ته سپارل شوي دي.