د دفاع وزارت د مرکزي قطعاتو او سیمهییزو قولاردوګانو ۱۹۶ منسوبینو د عبدالله بن مسعود رض د جګړهییزو ګډو زدهکړو په قوماندانۍ کې درې میاشتینۍ مسلکي زدهکړې بشپړې کړې دي.
د خبرپاڼې له مخې چې دغو منسوبینو د سرحدي، مخابرې او نقلیه وسایطو د چلونې زدهکړې بشپړې کړې، او نن د یو شمېر مسوولینو په ګډون د ځانګړو مراسمو پرمهال فارغ شوي دي.
مسوولینو تازه فارغشویو ته د اسلامي نظام او سرحدونو د ساتنې په اړه سپارښتنې کړې، او د پوځي زدهکړو پر ترلاسهکېدو یې ټینګار کړی دی.
بلخوا فارغشویو منسوبینو له اسلامي نظام او د هېواد له سرحدونو څخه د ساتنې په اړه ډاډ څرګند کړی دی.