د امريکا د کاليفورنيا ايالت په لاس انجلس کې د اورلګېدنې سره سم نيويارک کې هم پراخه اورلګېدنه رامنځته شوې.
پر ټولنيزو پاڼو ويډيوګانې خپرې شوې، چې د نيويارک ايالت د برونکس سيمې په يوه اپارتمان کې د پراخې اورلګېدنې له امله ۸ کسان ټپيان شوي او لسګونه کورنۍ بېځایه شوې دي. دا په داسې حال کې ده، چې د ياد هېواد د کلفورنيا ايالت په لاس انجلس کې هم پراخې اورلګېدنې څه باندې ۱۵۰ ميليونه ډالره مالي زيانونه اړولي او په لسګونه زره خلک د خپلو کورونو پرېښودو ته اړ شوي دي.