د بدني روزني او ورزش ریاست په کابل کې د ۲۰۰ ورزشکارانو ترمنځ د ولسي (ګراسروټ) فوټبال د جشنوارې له ترسره کېدو خبر ورکړی دی.
د ياد رياست وياند اتل مشواڼي د خبرپاڼې په خپرولو سره ويلي، په دغه جشنواره کې د تنکيو ځوانانو او نويو ځوانانو په عمري کټګوريو کې ورزشکارانو ګډون کړی وو.
نوموړي د دې جشنوارې موخه فوټبال ته د تنکیو او نویو ځوانانو هڅول ښودلي دي. ياده دې وي، چې په پيل مراسمو کې د فوټبال ملي فدراسیون رييس محمد یوسف کارګر، د یاد فدراسیون رهبري غړو، ورزشکارانو او د ورزش مینوالو ګډون کړی وو.