رويټرز د ايران د روغتيا وزارت په حواله ويلي، چې له اسرائيل سره يې په ۱۲ ورځنۍ جګړه کې ۶۱۰ کسانو خپل ژوند له لاسه ورکړی او نږدې ۵ زره نور ټپيان شوي دي.
د راپورونو له مخې، په اسرائيل کې د دغې جګړې له امله بيا د ۲۸ کسانو له وژل کېدو خبر ورکړل شوی دی. د اسرائيل د پوځ راډيو د معلوماتو له مخې، په دې جګړه کې ايران د اسرائيلو پر بېلابېلو سيمو ۵۵۰ باليستيکي توغندي توغولي او له زرو زياتو بې پيلوټه الوتکو بريدنه کړي چې پراخ ويجاړی يې کړی دی.