د هند د بهرنیو چارو وزارت په کابل کې د معلولینو لپاره یو پنځه ورځنی طبي کمپ له جوړېدو خبر ورکړی دی.
یاد کمپ د “جايپور فوټ” په نوم د (BMVSS) موسسې له خوا تنظیم شوی و، چې موخه یې د معلولیت لرونکو افغانانو لپاره د مصنوعي پښو جوړول او لګول ښودلي دي.
د وزارت د معلوماتو له مخې، د دې کمپ په لړ کې ۷۵ اړمنو کسانو ته په بریالۍ توګه مصنوعي پښې لګول شوې دي.
د یادونې وړ ده چې هند له وړاندې هم له افغان ولس سره د بشري مرستو د دوام ژمنه کړې وه.