د ترکیې ولسمشر رجب طیب اردوغان له خپل امریکايي سیال ډونالډ ټرمپ سره په ټلېفوني خبرو کې د دوهاړخیزو اړیکو د پراختیا او سیمهییزو او نړیوالو پرمختګونو په اړه خبرې کړې دي.
د ترکیې د ولسمشرۍ دفتر د خبرپاڼې له مخې، اردوغان د انقرې او واشنګټن ترمنځ د همکاریو پر پیاوړتیا ټینګار کړی او ویلي یې دي چې هېواد یې د ډیپلوماسۍ له لارې د منځني ختیځ د ستونزو په حل کې فعال رول لوبوي.
نوموړي همداراز د هرمز تنګي او یمن د وضعیت د څارنې یادونه کړې او د روسیې او اوکراین ترمنځ د خبرو اترو د بیا پیل او د جګړې د پای ته رسولو لپاره یې د ترکیې د منځګړیتوب پر چمتووالي ټینګار کړی دی.
بلخوا، ټرمپ اردوغان او د ترکیې خلکو ته د جمهوریت ورځې مبارکي ویلې او د ترک دولتونو سازمان د راتلونکې غونډې لپاره یې د بریا هیله څرګنده کړې ده.