د کابل ـ کندهار د لویې لارې په اوږدو کې د غزنې اب بند ولسوالۍ په تودې چینې سیمه کې یو موټر او موټرسایکل ټکر کړی چې دوه تنه پکې ټپیان شوي دي.
د غزني د مقام رسنیز دفتر ویلي چې دا پېښه نن(دوشنبه، سلواغې ۲۲مه) رامنځته شوې.
د مسوولینو له قوله امنیتي ځواکونو دواړه ټپیان د غزني ولایتي روغتون ته لېږدولي.
یاده دې شي چې په دې وروستیو کې د کابل ـ کندهار پر لویه لاره ټرافیکې پېښې زیاتې شوي.
غزني؛ د کابل ـ کندهار پر لویه لارې ټرافیکي پېښه رامنځته شوې
