د ریاستالوزراء اقتصادي مرستیال، ملا عبدالغني برادر اخوند د اکبر موسسې له رییس «نمیک حیدروف» سره په کتنه کې په افغانستان کې د پراختیایي پروژو پر زیاتوالي خبرې کړې دي.
د ارګ د اعلامیې له مخې چې په دې کتنه کې ملا عبدالغني برادر د اکبر موسسې فعالیتونه ستایلي او د دوی له مسوولینو یې غوښتي چې له امارتي ادارو سره په همغږۍ د پراختیایي پروژو زیاتوالي او ښه تطبیق ته پاملرنه وکړي.
د ریاستالوزراء اداري مرستیال همداراز ویلي چې د اسلامي امارت په راتګ سره په بېلابېلو برخو کې پرمختګونه رامنځته شوي او نړیوال مرستندویه بنسټونه دې د افغانستان په بیارغونه کې همکاري وکړي.
بلخوا د اکبر موسسې رییس هم په افغانستان کې د سرتاسري امنیت ټینګښت ستایلی او په وینا یې چې اوس د پراختیايي کارونو لپاره ښه زمینه برابره شوې ده.
په اعلامیه کې د نوموړي له قوله ویل شوي چې له همدې فرصت څخه په استفادې به هڅه وکړي چې په افغانستان کې د پراختیايي پروژو د تطبیق لپاره نړیوالې مرستې راجلب او له امارتي ادارو او اړوندو موسسو سره په همغږۍ یې په ښه ډول تطبیق کړي.
ملا عبدالغني برادر اخوند له امارتي ادارو سره په همغږۍ او ښه کیفیت د پراختیایي پروژو پر تطبیق ټینګار کړی
