په غزه کې سلګونه زره فلسطیني ماشومان له نږدې درې کلن ځنډ وروسته د لومړي ځل لپاره بېرته ښوونځیو ته ستانه شول، خو ډېری زدهکوونکي لا هم په ویجاړو شویو ودانیو، لنډمهالو ټولګیو او خېمو کې زدهکړې کوي.
د سیمهییزو چارواکو په وینا، په غزه کې شاوخوا ۶۶۰ زره زدهکوونکي د جګړې له امله له حضوري او منظمو زدهکړو بېبرخې پاتې شوي وو.
د خان یونس د پوهنې رییس ابراهیم رمضان ویلي، د ښوونځیو بېرته پرانیستل په داسې شرایطو کې یوه مهمه لاسته راوړنه ده چې د جګړې له امله د غزې تعلیمي نظام له پراخو زیانونو سره مخ شوی دی.
د هغه په وینا، په غزه کې شاوخوا ۲۲ زره زدهکوونکو او له ۷۷۰ ډېر د پوهنې کارکوونکو ژوند بایللی چې ۵۳۲ یې ښوونکي دي.
په ورته مهال، زدهکوونکي له سختو ستونزو سره ښوونځیو ته ستانه شوي دي. د خان یونس یوه زدهکوونکي موید ابو مصطفی ویلي، نږدې درې کاله یې ښوونځي ته تګ نه و کړی، خو اوس ان په خېمه کې زدهکړو ته چمتو دی؛ نوموړی وايي، مناسب بوټان، کتابچه او قلم هم نه لري.