د کرکټ سترې سوداګریزې سیالۍ؛ ۱۸ افغان لوبغاړي یې بولۍ ته وړاندې شوي

ټاکل شوې سبا او بل سبا د ۲۰۲۵ زېږدیز کال د ای.پي.اېل. سوداګریز لیګ د لوبغاړو اخیستنه یا بولۍ پیل شي.
سږنۍ بولۍ ته ۵۷۴ لوبغاړي ورپېژندل شوي، چې ۱۸ یې افغان کرکټ لوبغاړي دي.
محمد نبي، رحمان الله ګربز، نوین الحق، فضل الحق فاروقي، عظمت الله عمرزی، نور احمد لکڼوال، ګلبدین نایب، الله محمد غضنفر، مجیب الرحمن، ظاهر خان پکتین، قیس احمد، صدیق اتل، نجیب ځدراڼ، ابراهیم ځدراڼ، کریم جنت، وقار سلام خېل، ننګیال خروټی او فریدون داودزی هغه لوبغاړي دي، چې د بېلابېلو لوبډلو له لوري به غوره شي.
یاده دې شي، چې د ای.پي.اېل. سږنۍ بولۍ د سعودي عربستان په جده ښار کې ترسره کیږي