د ایران د «خاتمالانبیاء» قوماندان امریکا او اسراييلو ته خبرداری ورکړی چې د ایران پر ضد د هر ډول ګواښ یا برید له ترسره کولو وړاندې دې د ایران د وسلهوالو ځواکونو د غبرګون په اړه په دقت فکر وکړي.
نوموړي ویلي، د ایران وسلهوال ځواکونه هر ډول احتمالي تېري ته بشپړ چمتو دي او د هېواد د خاورې پر ضد هر اقدام به له قاطع او سخت ځواب سره مخ شي. د ایران د خاتمالانبیا قرارګاه قوماندان په ځانګړي ډول امریکا او اسراييل له هر ډول «ناسمې محاسبې» څخه منع کړي او ټینګار یې کړی چې هر ډول تېروتنه به جدي پایلې ولري.